AKTYALITE

Jodi lendi, bis konpayi nasyonal DIGNITÉ ap sikile nan kapital la ak nan lòt zòn nan peyi a pou transpòte elèv ki ap patisipe nan egzamen bakaloreya a. Egzamen yo kòmanse maten an, epi objektif se pou fasilite deplasman elèv yo rive nan sant egzamen yo malgre difikilte ki genyen nan transpò a. Direktè Jeneral DIGNITÉ a, Benel DIDIER, fè konnen: « Edikasyon se yon priyorite. Nou pran angajman pou bay elèv yo yon sèvis transpò serye pandan peryòd egzamen yo. » Apre yo te ede ak egzamen nevyèm ane a semèn pase a, DIGNITÉ kontinye montre angajman li nan ede elèv yo jwenn aksè nan edikasyon.

Nan yon rapò ki sot pibliye, Nasyonzini fè konnen anviwon 5 000 moun pèdi lavi yo ann Hayti soti mwa oktòb 2024 pou rive jen 2025. Majorite lanmò sa yo fèt nan kapital la, Pòtoprens, kote gang yo kontinye simen laterè san okenn kontwòl. Men sa ki pi grav, se lefèt ke vyolans sa a ap gaye nan lòt zòn andeyò kapital la, tankou Latibonit, Plato Santral ak Grandans. Gwo zak vyolans sa yo lakoz anpil sant sante fèmen, epi plizyè òganizasyon èd imanitè pa ka distribye manje oswa medikaman nan zòn ki pi frape yo. Sitiyasyon an vin mete plis presyon sou popilasyon ki deja ap viv nan mizer ak ensekirite. ONU lanse yon apel ijan bay leta ayisyen ak kominote entènasyonal la pou yo mete tèt ansanm pou mete fren ak kriz lan. Yo mande sipò pou sekirite, asistans imanitè, ak ranfòsman ensti...

Gang « Gran Grif » frape ankò bonè samdi maten nan komin Ti Rivyè, kote li te lanse yon atak san pitye sou yon gwoup machann k ap desann al nan mache. Daprè temwanyaj sou plas, atak la lakoz lanmò omwen de moun, plizyè blese, epi plizyè lòt kidnape, pami yo gen etidyan. Bandi yo te louvri kout zam san bay okenn avètisman, sa ki te mete tout zòn nan nan gwo panik. Pami viktim yo, gen machann byen konnen nan kominote a, epi kèk jèn ki t ap al swiv kou samdi yo. Fanmi moun yo kidnape yo deja resevwa apèl kote ravisè yo mande gwo ranson pou libere yo. Sitiyasyon an vin pi grav toujou, paske lapolis lokal la, ki pa gen ase resous, pa rive mete kontwòl sou gang sa a ki deja ap simen laterè nan tout fon Latibonit lan. Nouvo zak vyolans sa a mete kesyon sou kapasite Leta a pou...

Yon gwoup dizèn moun ki asire nan OFATMA kite Ayiti vandredi maten, sou yon vòl medikal espesyal, pou ale resevwa swen espesyalize nan peyi Kiba. Pami yo, gen polisye, jounalis ak lòt moun ki gen maladi grav, ke sistèm sante ayisyen an pa ka trete. Responsab OFATMA yo fè konnen chak ka te sibi yon evalyasyon medikal strik pa yon komisyon espesyal depi plizyè semèn. Objektif la se te chwazi dosye ki vrèman merite èd e asire tout kondisyon medikal ak lojistik te reyini pou vwayaj la fèt san danje. Gen kèk moun ki te gen dwa ale ak yon fanmi pou sipò moral pandan tout sejou a. Epi yon delegasyon OFATMA deja deplwaye nan Kiba pou resevwa pasyan yo epi asire tout bagay mache byen ak lopital Kiben yo. Vòl sa a se premye etap nan yon pi gwo plan evakyasyon medikal entènasyona...

Nan dat 13 jen 2025, Prezidan Brezilyen an, Luiz Inácio Lula da Silva, ap rankontre plizyè lidè peyi Karayib yo, manm CARICOM nan, nan yon somè ki ap fèt nan kapital Brezil la, Brasilia. Somè sa a, ki gen kòm tèm “Amener ensemble à s’unir” (Ann mete tèt ansanm pou nou ini), gen pou objektif diskite sou kriz k ap ravaje rejyon an, sitou sitiyasyon grav k ap devlope ann Hayti. Kriz politik, vyolans gang, grangou ak enstabilite enstitisyonèl mete Hayti nan yon sitiyasyon ijans san parèy. Dirijan yo swete jwenn yon solisyon ansanm pou ede pèp ayisyen an, pandan y ap evalye posiblite pou mete sou pye aksyon solid ak kowòdone nan nivo rejyonal la. Prezidan Lula, ki deja gen eksperyans nan dosye Hayti, ta ka jwe yon wòl kle nan mobilizasyon sa a. Anplis de dosye Hayti a, somè a ap a...

OFATMA anonse li ap fè fas ak yon gwo difikilte administrativ apre li pa jwenn okenn kontra legal ki te siyen epi apwouve pa CSC/CA (Kou Siperyè Kont ak Kontansye Administratif) ant li menm ak plizyè lopital, klinik, ak lòt prestatè swen sante. Sitiyasyon sa a lakoz gwo reta nan peman sèvis ki te deja bay, sa ki mete anpil enstitisyon sante nan difikilte. Nouvo direksyon OFATMA a pran dosye a oserye. Yo deja kòmanse demach legal pou mete lòd nan sistèm nan epi regle dosye dèt sa yo. Y ap travay ansanm ak CAOSS (Konsèy Administratif Ogan Sekirite Sosyal) epi yo deja voye yon demann derogasyon bay otorite konpetan pou otorize peman yo fèt pi vit. Depi semèn sa a, y ap prezante yon Pwotokòl Antant ak tout prestatè swen yo, pou etabli kijan dèt yo ap regle. Apre sa, y ap siyen no...

Depi Vikerson Garnier monte kòm Direktè Jeneral OFATMA, li lanse yon seri chanjman pou mete plis jistis nan jesyon pèsonèl la. Youn nan premye aksyon li, se regilarizasyon plizyè kontraktyèl ki t ap travay depi plizyè ane san estati ofisyèl. Anplwaye sa yo soti nan biwo Tabarre ak inite medikal SONAPI. Gen ladan yo ki t ap travay depi plis pase dis ane san sekirite ni rekonesans. .“Se yon jistis nou t ap tann depi lontan,” youn nan yo deklare.Pou Garnier, se pa sèlman nonmen moun, men mete diyite anplwaye yo nan sant travay la. Daprè responsab yo, lòt regilarizasyon ap fèt byento. Se premye pa nan yon vizyon pou bay OFATMA plis efikasite ak respè pou dwa travayè yo.

Lidè pati Pitit Dessalines, Jean Charles Moïse, fè konnen li pral retire reprezantan li an, Emmanuel Vertilaire, nan Konsèy Prezidansyèl Tranzisyon (KPT) nan de semèn. Nan yon entèvyou sou radyo Magik9, Moïse eksplike ke li santi ke "bato a pral koule" e li pare pou li dekonekte tèt li de yon pwosesis li konsidere kòm kap echwe. Avèk deklarasyon sa yo, Moïse montre li pa gen anpil konfyans nan KPT a ak gouvènman Alix Didier Fils-Aimé a, e li pare pou pran distans li ak yo. Nan menm entèvyou a, Moïse te anonse li pral relanse mobilizasyon popilè an sou teren an, avèk objektif pou fè tonbe gouvènman an ak KPT a. Sa a se yon taktik li itilize deja nan tan lontan pou fè presyon sou otorite yo. Jean Charles Moïse espere rasanble moun ki deside kontinye lite kont sistèm lan, men l...

Atak ki ap fèt depi plis pase de mwa nan Kenscoff, yon komin ki chita sou mòn Pòtoprens, lakoz omwen 262 moun mouri ak 66 lòt blese, pami yo genyen omwen 53 % ki sòti nan popilasyon sivil la epi 47 % ki te afilye ak gwoup kriminèl yo, selon yon rapò Biwo Entegre Nasyonzini ann Ayiti (BINUH) ak Oganizasyon Nasyonzini pou Dwa Moun (HCDH) pibliye jodi a. « Enfòmasyon ekip nou ranmase epi verifye atravè yon ankèt ki te fèt ak anpil presizyon montre atak yo sou Kenscoff te akonpaye ak yon mechanste ekstrèm, avèk entansyon simen laperèz nan mitan popilasyon an », se sa Maria Isabel Salvador, ki se Reprezantan Espesyal Sekretè Jeneral Nasyonzini an ann Ayiti ak Chèf BINUH, deklare. Yo egzekite Gason, fanm ak timoun andedan kay yo, yo tire kèk lòt sou chemen pandan yo t’ap eseye sove...

Ansyen senatè Willot Joseph leve vwa l sou fason otorite yo te reponn atak ki fèt sou Mirebalais lendi 31 mas pase a. Daprè li, desizyon sispèk te ralanti repons fòs espesyal yo, bay bandi yo avantaj sou tèren an. Joseph fè konnen direktè depatmantal polis la te pran desizyon ki mete fren sou entèvansyon rapid ajan UTAG ak SWAT yo. « Olye pou yo te debake ak elikoptè nan Lascahobas oswa Boukan Kare, ki pi pre Mirebalais, yo te voye yo Hinche. Se sa ki fè yo te oblije vwayaje sou wout pou rive sou sèn nan, sa ki pèdi anpil tan », li eksplike. Dapre li, chwa sa a te rann entèvansyon an mwens efikas epi bay bandi yo plis tan pou yo ranfòse pozisyon yo. Joseph mande si desizyon sa yo se te erè lojistik oswa yon estrateji pou echwe operasyon an. Pou kounye a, otorite yo pok...