Fas ak kriz plizyè dimansyon k ap frape Ayiti, òganizasyon sosyo-politik LAVI ak mouvman LilèLitan ofisyalize yon alyans estratejik ak ideyolojik. Nan yon nòt pou laprès ki pibliye 6 jiyè 2026, de estrikti yo fè konnen peyi a bezwen yon nouvo vizyon politik ki chita sou etik, transparans ak devlopman nasyonal.
Yo denonse degradasyon kondisyon lavi popilasyon an, sitou ensekirite, deplasman fòse, grangou, paralizi enstitisyonèl ak absans eleksyon depi plizyè ane.Alyans sa a gen pou objektif rasanble tout fòs viv yo bò kote yon pwojè komen ki kapab pote repons ak gwo defi peyi a ap travèse.
Responsab yo anonse yo pral travay ansanm pou mobilize popilasyon an, ranfòse estrikti politik yo epi prepare pwochen eleksyon yo.
Dapre siyatè yo, demach sa a vize retabli konfyans sitwayen yo epi ofri yon altènativ politik serye ki kapab kontribye nan rebati Ayiti sou baz estabilite ak devlopman dirab.
Discover more from Hayti Kiskeya Nouvèl
Subscribe to get the latest posts sent to your email.