AKTYALITE

Premye Minis Alix Didier Fils-Aimé te entèvni jedi a devan Konsèy Sekirite Nasyonzini pou prezante vizyon gouvènman li. Nan diskou li, li mete aksan sou twa priyorite estratejik: retabli sekirite, lanse relansman ekonomik ak sosyal, epi òganize eleksyon ki transparan. Chèf gouvènman an ensiste sou nesesite pou retabli konfyans popilasyon an nan enstitisyon demokratik yo, pandan li mande plis sipò kominote entènasyonal la pou konbat ensekirite k ap ogmante nan peyi a. Li salye tou amelyorasyon nan relasyon diplomatik ak Repiblik Dominikèn, li di yo baze sou respè mityèl. Pou fini, li lanse yon mesaj espwa: “Ayiti kenbe! Ayiti leve! Ayiti ap viv!”

Nan yon nòt ofisyèl li voye bay paran yo, Direktè Konpayi Transpò Lekòl DIYITE anonse yon seri nouvo mezi pou amelyore kalite sèvis transpò pou elèv yo. Desizyon sa a vini apre plizyè rankont ak paran ki te eksprime enkyetid yo sou kondisyon deplasman timoun yo. Daprè direksyon an, nouvo dispozisyon sa yo ap antre an aplikasyon apati lendi 13 avril 2026. Yo prevwa mete an plas plizyè nouvo sikwi pou kouvri plis zòn rezidansyèl, diminye reta, epi asire plis sekirite pou elèv yo pandan trajè yo. Direktè a fè konnen refòm sa a antre nan yon lojik amelyorasyon kontinyèl ak pwofesyonalizasyon sèvis la. Li mete aksan sou angajman konpayi an pou mete sekirite ak byennèt timoun yo an premye. Konpayi DIYITE lanse yon apèl bay paran yo pou kolabore, afin ke nouvo òganizasyon sa ...

Soti 23 pou rive 25 fevriye 2026, Direktè Jeneral DINEPA, enjenyè Théophil Ostinvil, te fè yon vizit sipèvizyon ak evalyasyon nan travay reparasyon ak agrandisman rezo dlo potab nan Grand Sid, espesyalman nan Jeremi ak Okay.Li te akonpaye ak Direktè Rejyonal Sid la, reprezantan Koperasyon panyòl atravè pwogram UrbAyiti, ekip teknik li ak kèk jounalis. Vizit la te pèmèt li verifye kijan travay yo ap avanse epi si antrepriz yo respekte angajman yo.Nan kad vizit la, yo te rankontre ak konpayi k ap egzekite travay yo pou evalye pwogrè, idantifye difikilte ak diskite sou delè livrezon. Yo te vizite tou plizyè chantye pou konstatare sitiyasyon reyèl enfrastrikti yo. Direktè Jeneral la te mete aksan sou nesesite pou akselere travay yo pandan y ap respekte nòm teknik ak kalite DINEP...

Laurent Salvador Lamothe anonse piblikman, sou kont X li, ke li pase nan yon lòt etap nan batay li kont sa li rele kanpay difamasyon ki fèt kont li sou rezo sosyal yo. Ansyen Premye minis la fè konnen kabinè avoka li yo deja angaje pwosedi legal fòmèl kont yon moun k ap viv New York, li akize kòm youn nan moun k ap envante epi gaye fo enfòmasyon sou non li. Dapre Lamothe, dosye sa a se sèlman premye nan yon seri aksyon ki vize yon ti gwoup moun ki deja byen idantifye. Li esplike ke sa k ap fèt la pa senp opinyon, men pito yon travay òganize pou fabrike manti ak sal repitasyon li. Pou li, libète lapawòl pa bay pèmisyon pou kreye fo akizasyon avèk entansyon fè mal. Dans le cadre de mon #combat pour la vérité et contre la diffamation, mes cabinets d’avocats ont engagé aujourd’hui de...

Le 14 novanm, Konsèy Elektoral Pwovizwa (KEP) soumèt bay pouvwa egzekitif la yon pwojè dekret elektoral ansanm ak yon kalandriye pou pwochen eleksyon yo. KEP a presize dokiman sa yo pa ka aplike san kèk kondisyon esansyèl : piblikasyon dekrè a, yon nivo sekirite ki akseptab, epi finansman ki garanti. Sa montre pwochen eleksyon yo depann anpil de evolisyon sitiyasyon peyi a. Nan yon kontèks kote gang kontwole anpil zòn e kote vyolans ogmante, òganize yon eleksyon serye rete yon gwo defi. Depi asasina Jovenel Moïse an 2021, absans eleksyon ap agrave kriz enstitisyonèl la. Kalandriye KEP a se yon siyal, men li chita nèt sou amelyorasyon sekirite a.

Platfòm DEBLOKE-AYITI lanse yon avètisman kont yon manèv politik kote Olivier Barreau ta ap travay pou jete Premye Minis Alix Didier Fils-Aimé epi mete Alfred Fils Métellus, minis ekonomi an, nan plas li. Daprè Nélus Néruis, responsab platfòm nan, Barreau ta gen ambisyon pou li ale nan eleksyon pou pòs prezidan e li ta vle sèvi ak pozisyon Premye Minis la pou fasilite finansman kanpay li. Néruis mande minis la pou li okipe l pito de dega ouragan Mélissa deja ap fè nan Grand'Anse.

Depi 7 out 2025, Laurent Saint-Cyr, reprezantan sektè prive a, pran wòl kowòdonatè Konsèy Prezidansyèl Tranzisyon an (CPT). Li ranplase ekonomis Fritz Alphonse Jean, daprè mekanis wotasyon ki egziste ant 9 manm ki fòme konsèy la.Saint-Cyr se youn nan manm fondatè CPT a. Depi enstalasyon estrikti a, li patisipe nan tout reyinyon ak desizyon ofisyèl yo. Chanjman sa a fèt selon dispozisyon ant sektè ki siyen akò politik tranzisyon an. Priz fonksyon li rive nan yon moman difisil pou peyi a, kote gen ensekirite, kriz politik ak difikilte sosyal ki kontinye ap afekte popilasyon an. Wòl kowòdonatè a se asire reprezantasyon konsèy la nan kad kolèj la, san otorite egzekitif endividyèl.CPT a ap kontinye travay li pou mennen tranzisyon an rive nan pwochen etap yo jan sa te prevw...

Jodi lendi, bis konpayi nasyonal DIGNITÉ ap sikile nan kapital la ak nan lòt zòn nan peyi a pou transpòte elèv ki ap patisipe nan egzamen bakaloreya a. Egzamen yo kòmanse maten an, epi objektif se pou fasilite deplasman elèv yo rive nan sant egzamen yo malgre difikilte ki genyen nan transpò a. Direktè Jeneral DIGNITÉ a, Benel DIDIER, fè konnen: « Edikasyon se yon priyorite. Nou pran angajman pou bay elèv yo yon sèvis transpò serye pandan peryòd egzamen yo. » Apre yo te ede ak egzamen nevyèm ane a semèn pase a, DIGNITÉ kontinye montre angajman li nan ede elèv yo jwenn aksè nan edikasyon.

Nan yon rapò ki sot pibliye, Nasyonzini fè konnen anviwon 5 000 moun pèdi lavi yo ann Hayti soti mwa oktòb 2024 pou rive jen 2025. Majorite lanmò sa yo fèt nan kapital la, Pòtoprens, kote gang yo kontinye simen laterè san okenn kontwòl. Men sa ki pi grav, se lefèt ke vyolans sa a ap gaye nan lòt zòn andeyò kapital la, tankou Latibonit, Plato Santral ak Grandans. Gwo zak vyolans sa yo lakoz anpil sant sante fèmen, epi plizyè òganizasyon èd imanitè pa ka distribye manje oswa medikaman nan zòn ki pi frape yo. Sitiyasyon an vin mete plis presyon sou popilasyon ki deja ap viv nan mizer ak ensekirite. ONU lanse yon apel ijan bay leta ayisyen ak kominote entènasyonal la pou yo mete tèt ansanm pou mete fren ak kriz lan. Yo mande sipò pou sekirite, asistans imanitè, ak ranfòsman ensti...

Gang « Gran Grif » frape ankò bonè samdi maten nan komin Ti Rivyè, kote li te lanse yon atak san pitye sou yon gwoup machann k ap desann al nan mache. Daprè temwanyaj sou plas, atak la lakoz lanmò omwen de moun, plizyè blese, epi plizyè lòt kidnape, pami yo gen etidyan. Bandi yo te louvri kout zam san bay okenn avètisman, sa ki te mete tout zòn nan nan gwo panik. Pami viktim yo, gen machann byen konnen nan kominote a, epi kèk jèn ki t ap al swiv kou samdi yo. Fanmi moun yo kidnape yo deja resevwa apèl kote ravisè yo mande gwo ranson pou libere yo. Sitiyasyon an vin pi grav toujou, paske lapolis lokal la, ki pa gen ase resous, pa rive mete kontwòl sou gang sa a ki deja ap simen laterè nan tout fon Latibonit lan. Nouvo zak vyolans sa a mete kesyon sou kapasite Leta a pou...