Pòtoprens, 2 septanm 2026 — INISYATIV 14 DAWOUT prezante, mèkredi sa a, yon kalandriye aktivite ki vize ranfòse inite ak inifikasyon sektè popilè ak pwogresis la nan peyi a.
Nan kad yon gwo konferans bilan ak pèspektiv, responsab yo anonse yon seri rankont ak lidè baz yo nan diferan depatman peyi a. Objektif la se ranfòse pwoksimite ak baz popilè yo, koute preokipasyon yo epi favorize yon pi bon kowòdinasyon ant diferan estrikti yo.
INISYATIV 14 DAWOUT prevwa tou rankontre divès responsab ak lidè sektè a, ansanm ak pèsonalite ki ta kapab kandida nan pwochen eleksyon yo. Demach sa a antre nan yon pwosesis dyalòg ak konsiltasyon pou rive jwenn yon inifikasyon pi laj.
Pami prensipal inisyativ yo, òganizasyon an anonse yon Jounen Nasyonal Inite, 17 oktòb 2026, ki dwe dewoule atravè tout peyi a.
Responsab INISYATIV 14 DAWOUT yo di yo gen yon optimis solid sou reyisit demach la e yo angaje yo pou travay pou mete ansanm tout fòs sektè popilè ak pwogresis la.
Discover more from Hayti Kiskeya Nouvèl
Subscribe to get the latest posts sent to your email.