NOUVÈL LAKAY

Dimanch 16 novanm 2025, gwoup Nu-Look te bay yon konsè ekstraòdinè nan « Boston Symphony Orchestra », devan yon sal ki te ranpli ak plis pase 2 600 moun. Anviwonnman an te chaje ak elegans : telefòn anlè, aklamasyon, ak yon piblik ayisyen ak etranje ki t ap viv chak moman. Arly Larivière, ak yon òkès klasik dèyè li, te livre yon pèfòmans ki te kenbe tout moun sou men yo. Fanatik yo, ki te swaf yon evènman konsa, pa t kache satisfaksyon yo. Pandan konsè istorik sa a, Arly te pwofite anonse yon lòt gwo randevou : 14 fevriye 2026, nan Madison Square Garden, New York.

Kidnapping yo ap ogmante san rete nan peyi a. Nan premye sis mwa ane 2025 la, plis pase 336 moun te kidnape, selon yon rapò Nasyon Zini. Pami ka sa yo, gen Gena Heraty, yon misyonè ilandè bandi kenbe kòm otaj ansanm ak plizyè anplwaye yon òfelina nan zòn Kenscoff. Kidnapping se yon pratik ki vin tounen yon zam pou gang yo nan zòn Port-au-Prince ak alantou yo. Yo itilize l pou fè lajan, enstale laperèz mitan nan popilasyon an, epi afime kontwòl yo. Rapò ONI an montre ke plis pase 3 100 moun mouri nan premye mwatye ane 2025 la akoz vyolans gang yo, epi plis pase 1 milyon moun oblije kite kay yo pou chape anba danje.

Pierre Réginald Boulos anba men otorite imigrasyon ameriken depi kèk tan. Li nan yon sant detansyon pou imigran ki nan Eta Florid. Daprè dokiman ofisyèl ki parèt sou sit tribinal imigrasyon an, li gen pou l parèt devan jij Jorge Pereira nan dat 31 jiyè 2025. Tribinal la konfime dosye a toujou ap suiv nan kad regleman imigrasyon yo. Arestasyon Réginald Boulos la soti nan kèk enkonkistans ki te nan dosye li lè li t ap fè demann pou kat vèt Ozetazini. Se sa ki pouse ICE mete men sou li. Jiskaprezan, pa gen plis detay sou nati enkonkistans sa yo, men dosye a kontinye ap evolye.

Fon Nasyonal Edikasyon (FNE) anonse lansman ofisyèl Pwogram Apui pou Lekòl ak Fanmi viktim Ensekirite (PAEF), yon inisyativ ki vize soulaje soufrans fanmi ak lekòl ki sibi zak vyolans ak deplasman fòse. Fanmi yo ak direktè lekòl yo ki sou lis la ka ale nan sikisal BNC ki pi pre yo pou ranmase lajan ki rezève pou yo, apre yo fin resevwa yon mesaj konfimasyon pa SMS. Benefisyè yo dwe prezante ak kat idantite ak tout lòt dokiman ki nesesè pou yo ka fè retrè a san difikilte.An menm tan, FNE envite direktè 43 lekòl prive ki sou lis Ministè Edikasyon Nasyonal la pou yo vini pran chèk sibvansyon yo nan kontablite FNE, nan dat 4 jiyè 2025. Dapre responsab yo, operasyon sa a se yon pa enpòtan pou sipòte edikasyon nan zòn ki afekte pa laterè ak dezòd, e li montre angajman FNE...

Rapò ULCC a mete limyè sou yon zak malonèt ki te ap fèt sou do pèp la. Carl FRANÇOIS, ansyen Direktè Jeneral OFATMA, se pa yon direktè li te ye, se yon predatè ki te sèvi ak lajan Leta tankou si se te eritaj fanmi l. Daprè ULCC, 107,6 milyon goud te soti nan OFATMA pou al jwenn de konpayi prive : VALCUISINE ak OLEY Event & Food Services. Men pi grav toujou: okenn frè taks pa t retire pou DGI. Sa lakoz Leta pèdi plis pase 2 milyon goud an taks ki pa t janm ranmase. Se yon vòl legalize yo te ap fè. Rapò a revele tou kontrak sa yo te pase san respè pou lwa sou mache piblik la, ak konplisite kèk lòt pèsonaj tankou Valmine Jean JACQUES ak Valérie Nadia VICTOR. Yo tout riske pouswit pou fo, itilizasyon fo, ak abi fonksyon. ULCC mande :– Pou tout kont labank VALCUISINE ak OLEY fr...

Kontrèman ak enfòmasyon ki t ap sikile pandan kèk èdtan, "Komandan Samuel", ki se yon polisye nan USGPN epi yon figi kle nan rezistans ame Canapé-Vert, pa jwenn arestasyon li vre. Rimè sa a, ki gaye tankou dife nan savann, soulve anpil kesyon sou atitid Leta fas ak gwoup ki deside defann tèt yo. Si fo enfòmasyon sa a fè anpil bri, se paske li tonbe nan yon klima kote pèp la gen pi plis dout sou otorite yo. Pandan gang yo ap elaji kontwòl yo sou peyi a, fòs sekirite yo parèt pi rapid pou mete men sou sila yo ki reziste olye yo konbat kriminèl yo. Entoks sa a mete aksan sou enkyetid anpil sitwayen : Èske Leta ap janm goumen seryezman kont gang yo, oswa l ap kontinye politik soumèt li yo? Pandanstan, "Komandan Samuel" toujou sou plas, pou batay pou sove Canapé-Vert....

Etazini kontinye montre angajman yo pou sekirite ann Hayti. Malgre yo te sispann $13,3 milyon pou Fon Nasyonzini an, Washington lage $40,7 milyon pou soutni Polis Nasyonal la. Kob sa a vize plizyè domèn kle: antretyen machin PNH yo, ki esansyèl pou asire yon repons rapid fas ak menas k ap ogmante, ansanm ak lojistik ak sèvis medikal pou sipòte operasyon sou teren. Malgre sitiyasyon sekirite a konplike epi gen anpil kritik sou efikasite èd entènasyonal la, desizyon sa a montre volonte Etazini pou jwe yon wòl aktif nan estabilizasyon peyi a. Sepandan, anpil moun ap poze kesyon sou enpak reyèl la nan fon sa yo fas ak ensekirite k ap pèsiste ak jan otorite ayisyen yo jere resous yo. Soutyen finansye sa a fèt nan yon kontèks tansyon politik ak defi sekirite ki grav, sa ki mete aks...

Depi lè Doktè Carl François te pran direksyon Jeneral Ofis Asirans pou Aksidan Travay, Maladi ak Matènite (OFATMA), li pote yon nouvo dinamik nan enstitisyon sa a ki se yon poto mitan nan sistèm pwoteksyon sosyal Ayiti a. Avèk yon vizyon estratejik ak bon jan jesyon, li reyalize gwo refòm estriktirèl ki fè OFATMA pi efikas epi modèn. Youn nan pi gwo reyalizasyon li yo se deplasman biwo santral OFATMA nan yon bâtiman modèn ki twouve l Tabarre, sou Boulva 15 Oktòb. Bâtiman sa a, ki kouvri 5,000 mèt kare, se yon senbòl renouvèlman ki bay yon espas travay optimal pou anplwaye yo epi amelyore kalite sèvis yo bay asire yo. Nan domèn afilyasyon yo, rezilta yo remakab tou. Anba direksyon Doktè François, OFATMA rive agrandi rezo li a, jounen jodi a li gen 514 antrepriz prive ak tout ensti...

Nan lide pou akonpanye viktim kont ensekirite yo, mwen menm, Woodjery Dupré, L’homme Social, te fè yon vizit enpòtan jounen lendi 25 novanm 2024 nan komin Pétion-Ville, espesyalman sou Wout Frères, nan Institisyon Jean Mary César. Sant sa a se youn nan katèn sant ki ap resevwa fanmi ki oblije kite kay yo anba menas ensekirite jeneralize nan peyi a.Sa make kè m anpil pou m wè kijan sitiyasyon sa detwi lavi moun, men li ban m plis fòs pou m kontinye batay. Nan kad angajman mwen kòm yon pitit Pétion-Ville, mwen rete fèm pou m ekzije CPT (Conseil Présidentiel de Transition) ansanm ak Premye Minis Alix Didier Fils Aimé pou yo reponn ak obligasyon yo pou garanti sekirite pou tout Ayisyen. Nou mande tou pou yo mete sou pye pi bon kondisyon chak jou pou tout Ayisye...

Depi lendi, yon klima lapèrez anvayi kapital la. Bandi ak zam ap fè lalwa nan plizyè zòn, tankou Solino ak Vivi Mitchell, kote popilasyon an ap viv nan yon gwo kè sote. Kout zam ap chante san rete, e sa lakòz anpil moun oblije rete lakay yo pou evite danje. Sitiyasyon sa a gen gwo konsekans sou aktivite ekonomik yo. Nan ponp gaz yo, moun deja konstate yon mank gazoline ki ka vin pi grav si ensekirite a kontinye. Mank gaz sa a ap menase pa sèlman transpò piblik ak prive, men tou operasyon lopital, antrepriz, ak lòt sèvis esansyèl. Analiz montre ke si kriz la pa jwenn solisyon rapid, sa ka debouche sou yon gwo kriz imanitè nan kapital la, kote sitwayen yo pap ka jwenn manje, dlo, ak sèvis sante yo bezwen pou viv. Otorite yo toujou pa pran okenn desizyon solid pou mete fen na...