AKTYALITE

OFATMA anonse li ap fè fas ak yon gwo difikilte administrativ apre li pa jwenn okenn kontra legal ki te siyen epi apwouve pa CSC/CA (Kou Siperyè Kont ak Kontansye Administratif) ant li menm ak plizyè lopital, klinik, ak lòt prestatè swen sante. Sitiyasyon sa a lakoz gwo reta nan peman sèvis ki te deja bay, sa ki mete anpil enstitisyon sante nan difikilte. Nouvo direksyon OFATMA a pran dosye a oserye. Yo deja kòmanse demach legal pou mete lòd nan sistèm nan epi regle dosye dèt sa yo. Y ap travay ansanm ak CAOSS (Konsèy Administratif Ogan Sekirite Sosyal) epi yo deja voye yon demann derogasyon bay otorite konpetan pou otorize peman yo fèt pi vit. Depi semèn sa a, y ap prezante yon Pwotokòl Antant ak tout prestatè swen yo, pou etabli kijan dèt yo ap regle. Apre sa, y ap siyen no...

Depi Vikerson Garnier monte kòm Direktè Jeneral OFATMA, li lanse yon seri chanjman pou mete plis jistis nan jesyon pèsonèl la. Youn nan premye aksyon li, se regilarizasyon plizyè kontraktyèl ki t ap travay depi plizyè ane san estati ofisyèl. Anplwaye sa yo soti nan biwo Tabarre ak inite medikal SONAPI. Gen ladan yo ki t ap travay depi plis pase dis ane san sekirite ni rekonesans. .“Se yon jistis nou t ap tann depi lontan,” youn nan yo deklare.Pou Garnier, se pa sèlman nonmen moun, men mete diyite anplwaye yo nan sant travay la. Daprè responsab yo, lòt regilarizasyon ap fèt byento. Se premye pa nan yon vizyon pou bay OFATMA plis efikasite ak respè pou dwa travayè yo.

Lidè pati Pitit Dessalines, Jean Charles Moïse, fè konnen li pral retire reprezantan li an, Emmanuel Vertilaire, nan Konsèy Prezidansyèl Tranzisyon (KPT) nan de semèn. Nan yon entèvyou sou radyo Magik9, Moïse eksplike ke li santi ke "bato a pral koule" e li pare pou li dekonekte tèt li de yon pwosesis li konsidere kòm kap echwe. Avèk deklarasyon sa yo, Moïse montre li pa gen anpil konfyans nan KPT a ak gouvènman Alix Didier Fils-Aimé a, e li pare pou pran distans li ak yo. Nan menm entèvyou a, Moïse te anonse li pral relanse mobilizasyon popilè an sou teren an, avèk objektif pou fè tonbe gouvènman an ak KPT a. Sa a se yon taktik li itilize deja nan tan lontan pou fè presyon sou otorite yo. Jean Charles Moïse espere rasanble moun ki deside kontinye lite kont sistèm lan, men l...

Atak ki ap fèt depi plis pase de mwa nan Kenscoff, yon komin ki chita sou mòn Pòtoprens, lakoz omwen 262 moun mouri ak 66 lòt blese, pami yo genyen omwen 53 % ki sòti nan popilasyon sivil la epi 47 % ki te afilye ak gwoup kriminèl yo, selon yon rapò Biwo Entegre Nasyonzini ann Ayiti (BINUH) ak Oganizasyon Nasyonzini pou Dwa Moun (HCDH) pibliye jodi a. « Enfòmasyon ekip nou ranmase epi verifye atravè yon ankèt ki te fèt ak anpil presizyon montre atak yo sou Kenscoff te akonpaye ak yon mechanste ekstrèm, avèk entansyon simen laperèz nan mitan popilasyon an », se sa Maria Isabel Salvador, ki se Reprezantan Espesyal Sekretè Jeneral Nasyonzini an ann Ayiti ak Chèf BINUH, deklare. Yo egzekite Gason, fanm ak timoun andedan kay yo, yo tire kèk lòt sou chemen pandan yo t’ap eseye sove...

Ansyen senatè Willot Joseph leve vwa l sou fason otorite yo te reponn atak ki fèt sou Mirebalais lendi 31 mas pase a. Daprè li, desizyon sispèk te ralanti repons fòs espesyal yo, bay bandi yo avantaj sou tèren an. Joseph fè konnen direktè depatmantal polis la te pran desizyon ki mete fren sou entèvansyon rapid ajan UTAG ak SWAT yo. « Olye pou yo te debake ak elikoptè nan Lascahobas oswa Boukan Kare, ki pi pre Mirebalais, yo te voye yo Hinche. Se sa ki fè yo te oblije vwayaje sou wout pou rive sou sèn nan, sa ki pèdi anpil tan », li eksplike. Dapre li, chwa sa a te rann entèvansyon an mwens efikas epi bay bandi yo plis tan pou yo ranfòse pozisyon yo. Joseph mande si desizyon sa yo se te erè lojistik oswa yon estrateji pou echwe operasyon an. Pou kounye a, otorite yo pok...

OFATMA fè yon gwo pa sou direksyon Enjenyè Agronòm Vikerson Garnier. Aprè plizyè ane travay san asirans pou demen, 26 anplwaye kontraktyèl ki nan ti pèsonèl yo finalman jwenn plas yo jan sa dwe ye. Desizyon sa a mete fen nan enstabilite yo t ap viv epi bay plis sekirite pou travayè sa yo. Nouvo direksyon an vle mete plis jistis ak respè pou dwa tout anplwaye. Pandan lontan, kontraktyèl sa yo t ap travay san benefis yon estati pèmanan, malgre yo te enpòtan nan bon fonksyònman OFATMA. Jodia, ak regilarizasyon sa a, direksyon an voye yon siyal klè : li vle yon jesyon ki pi klè, pi jis, epi ki bay chak moun sa yo merite. Men sa pa la sèlman. Vikerson Garnier vle fè OFATMA tounen yon enstitisyon ki mache pi byen, kote transparans ak bon jan kondisyon travay se priyorite. Avèk chan...

Nan okazyon 8 mas, Jounen Entènasyonal Dwa Fanm, OFATMA renouvle angajman li pou ankouraje egalite ant sèks yo e pou soutni emansipasyon fanm nan tout sektè nan sosyete a ak nan travay. Fanm yo jwe yon wòl kle nan enstitisyon nou an, yo pote ekspètiz yo, devouman yo ak vizyon inik yo ki kontribye nan kwasans OFATMA. Wòl yo enpòtan, pa sèlman nan jesyon chak jou, men tou nan definisyon lavni enstitisyon an, pou n site pawol Direktè Jeneral la, Vikerson Garnier. Egalite chans se yon poto mitan sou ki nou bati yon avenir pwospè. Nan OFATMA, nou angaje nou pou kreye opòtinite egal pou tout moun, ankouraje divèsite e garanti ke chak fanm ka jwe yon wòl kle nan devlopman peyi a. Nan okazyon jounen sa a, nou selebre fòs, rezistans ak kontribisyon fanm nan sosyete a. Ansanm, a...

Otorite Dominikèn yo sispann yon gwo kagezon zam ak minisyon ki t ap sòti Etazini pou ale Hayiti, daprè jounal Diario Libre. Dekouvèt la fèt pandan yon enspeksyon nan pò Sen-Domeng, kote otorite yo mete men sou zam lou ki te kapab ogmante vyolans ann Ayiti. Nan sa yo te sezi yo, te gen yon fiziyad Barret 50 mm, 17 fizi 7.62 mm, yon fizi 9 mm, 5 pistolè Glock 9 mm, yon mitrayèt Uzi, 36 000 katouch diferan kalib, 18 chaje fizi ak 13 chaje 9 mm, yon chaje 50 mm, yon silansyè ak yon bwat pistolè. Otorite Dominikèn yo ouvri ankèt pou idantifye kiyès ki te voye ak resevwa kagezon sa a. Yo di y ap kontinye efò pou anpeche Dominikani sèvi kòm wout trafik zam, yon fenomèn ki ap agrave ensekirite epi bay gang plis pouvwa ann Hayti.

Nan efò pou amelyore administrasyon piblik la, aplikasyon ACCPAC lan ap vin yon zouti kle pou Fond Nasyonal Edikasyon (FNE). Direktè Jeneral la, Sterline Civil, ap dirije yon pwojè ki vize asire yon pi bon jesyon resous yo, epi garanti yon trasabilite konplè sou tout operasyon yo. Sa ap pèmèt yon kontwòl pi sere sou aktivite yo e ogmante transparans nan fason resous yo jere. ACCPAC ap ofri zouti pou fè planifikasyon finansye, jere bidjè, epi prepare rapò sou depans. Aplikasyon an ap pèmèt FNE swiv tout tranzaksyon yo nan yon fason entegre e efikas, sa ki ap amelyore gouvènans ak konfyans nan sistèm nan. Sa se yon envestisman pou asire ke fon yo sèvi byen e ke edikasyon nan peyi a ap jwenn plis sipò. Aplikasyon ACCPAC ap rete kòm yon zouti referans, sa ki ap pèmèt FNE kenbe yo...

Nouvo direktè jeneral Fonds National de l’Éducation (FNE) a, Sterline Civil, ap mete transparans nan mitan aksyon li yo. Li mande Kou Siperyè Kont ak Kontansye Administratif (CSC/CA) pou l fè yon odit jeneral sou fason administrasyon anvan an te jere fon edikasyon yo. Se yon mezi pou asire tout lajan FNE a te itilize nan bon jan kondisyon pou edikasyon timoun yo.An menm tan, li reponn tou yon demann Inite Lit kont Koripsyon (ULCC) ki ap mennen ankèt sou aspè finansye FNE a. Li mete tèt li disponib pou bay tout dokiman ki nesesè pou fè limyè sou sa ki te pase.Avèk aksyon sa yo, Sterline Civil montre li detèmine pou mete FNE sou wout bon jan jesyon. Rapò odit la ap detèmine si gen iregilarite epi si chanjman estriktirèl nesesè pou asire pi bon itilizasyon resous edikat...