OFATMA anonse li ap fè fas ak yon gwo difikilte administrativ apre li pa jwenn okenn kontra legal ki te siyen epi apwouve pa CSC/CA (Kou Siperyè Kont ak Kontansye Administratif) ant li menm ak plizyè lopital, klinik, ak lòt prestatè swen sante. Sitiyasyon sa a lakoz gwo reta nan peman sèvis ki te deja bay, sa ki mete anpil enstitisyon sante nan difikilte.
Nouvo direksyon OFATMA a pran dosye a oserye. Yo deja kòmanse demach legal pou mete lòd nan sistèm nan epi regle dosye dèt sa yo. Y ap travay ansanm ak CAOSS (Konsèy Administratif Ogan Sekirite Sosyal) epi yo deja voye yon demann derogasyon bay otorite konpetan pou otorize peman yo fèt pi vit.
Depi semèn sa a, y ap prezante yon Pwotokòl Antant ak tout prestatè swen yo, pou etabli kijan dèt yo ap regle. Apre sa, y ap siyen nouvo kontra ki dakò ak sa lalwa mande.
Direksyon OFATMA a di li angaje l pou respekte tout angajman li yo, amelyore sèvis li yo, epi asire tout moun kapab jwenn swen sante sou tout teritwa nasyonal la.
Yo remèsye tout moun pou pasyans yo pandan moman difisil sa yo, e yo mande tout patnè kontinye kolabore pandan yo ap mete plis transparans ak responsabilite nan jesyon enstitisyon an.
Discover more from Hayti Kiskeya Nouvèl
Subscribe to get the latest posts sent to your email.