OFATMA fè yon gwo pa sou direksyon Enjenyè Agronòm Vikerson Garnier. Aprè plizyè ane travay san asirans pou demen, 26 anplwaye kontraktyèl ki nan ti pèsonèl yo finalman jwenn plas yo jan sa dwe ye. Desizyon sa a mete fen nan enstabilite yo t ap viv epi bay plis sekirite pou travayè sa yo.
Nouvo direksyon an vle mete plis jistis ak respè pou dwa tout anplwaye. Pandan lontan, kontraktyèl sa yo t ap travay san benefis yon estati pèmanan, malgre yo te enpòtan nan bon fonksyònman OFATMA. Jodia, ak regilarizasyon sa a, direksyon an voye yon siyal klè : li vle yon jesyon ki pi klè, pi jis, epi ki bay chak moun sa yo merite.
Men sa pa la sèlman. Vikerson Garnier vle fè OFATMA tounen yon enstitisyon ki mache pi byen, kote transparans ak bon jan kondisyon travay se priyorite. Avèk chanjman sa a, li mete OFATMA sou yon chemen ki ka fè enstitisyon an vin pi solid, pi òganize epi pi efikas pou tout moun ki bezwen sèvis li yo.
Discover more from Hayti Kiskeya Nouvèl
Subscribe to get the latest posts sent to your email.