Lidè pati Pitit Dessalines, Jean Charles Moïse, fè konnen li pral retire reprezantan li an, Emmanuel Vertilaire, nan Konsèy Prezidansyèl Tranzisyon (KPT) nan de semèn. Nan yon entèvyou sou radyo Magik9, Moïse eksplike ke li santi ke “bato a pral koule” e li pare pou li dekonekte tèt li de yon pwosesis li konsidere kòm kap echwe.
Avèk deklarasyon sa yo, Moïse montre li pa gen anpil konfyans nan KPT a ak gouvènman Alix Didier Fils-Aimé a, e li pare pou pran distans li ak yo.
Nan menm entèvyou a, Moïse te anonse li pral relanse mobilizasyon popilè an sou teren an, avèk objektif pou fè tonbe gouvènman an ak KPT a. Sa a se yon taktik li itilize deja nan tan lontan pou fè presyon sou otorite yo. Jean Charles Moïse espere rasanble moun ki deside kontinye lite kont sistèm lan, men li rete pou wè si mobilizasyon sa a ap reyisi nan yon kontèks kote anpil moun nan peyi a ap santi yo dekouraje.
Discover more from Hayti Kiskeya Nouvèl
Subscribe to get the latest posts sent to your email.